Чагыг.

Өөредилге билбес кижи,

Өөделевес чүве чоор деп,

Шагда бисти ада-ие,

Шаанга киир сургап чораан

Бийир, саазын тудуп алгаш,

Бижик бижип, саннар санап,

Школадан ыравайн,

Шынап кызып чораан ийик бис

Амгы шагда үе өске,

Айфон, планшет, телефон дээш,

Онаалгазын ажы-төл шуут,

Онлайндан кылыр болган

Чаңгыс ном-даа ажып көрбес,

Чалгаараары ындыг ол бе?

Өйү кээрге канчап черле,

Өөредилге доозар ирги?

Чуртталганың делгеминче,

Шургуп кирер үе келир,

Чүгле ботка идегээрин,

Шуптуңарга чагып каайн!