Иштинейден мени төрээн,

Ием болган авам эргим,

Амыдырал чаяап берген,

Ачылыг-ла ачам эргим!

Төрүттүнгеш кады өскен,

Төрээннерим меңээ эргим,

Кара чаштан эдеришкен,

Карам болган эжим эргим!

Төрел угун уламчылаар,

Төрүп-ле каан төлдер эргим,

Уксаа салгап өзүп келир,

Уйнуктарым эң-не эргим!

Чараш болгаш, чурумалдыг,

Чаяаттынган чуртум эргим,

Тыным-биле чүрээм тудуш,

Дыңгылдайлаан Тывам эргим!

Чингис Чимит-Доржу, Мугур-Аксы суурда ПСП администратору